Trahadó di limpiesa ta meresé respèt

E aña aki dia di Obrero tin un nifikashon èxtra speshal pa trahadónan di limpiesa na Hulanda. Despues di a wèlga 105 dia porfin nan por a kanta viktoria i selebrá fiesta dia 16 di aprel. Ku e wèlga nan a logra haña oumento di sueldo di 5 porshento, miho enseñansa i mas rekonosemntu.
Kurasoleño Kapi Lijfrok (31) ta representante di trahadónan di limpiesa den sindikato FNV Bondgenoten. Lijfrok ta hiba e funshon di voorman den e kompania di limpiesa kaminda e ta traha na Einhoven. E ta kontentu ku nan logro pero no ta kompletamente satisfecho. "Nos a logra hopi. Ta pasonan chikí. Lamentablemente bo no por haña tur kos ku bo ke." E ta satifecho ku loke nan a logra pa trahadónan temporal; awor nan tin mas derecho riba un kontrato.
E ta konta ku su nachtdienst a bai: "Mi a traha ku seis persona." Kada dia tin un otro tarea: un dia mi tin ku dweila, otro dia mi tin ku limpia bentana, ect, etc. E tabatin ku kustumbra atrobe despeus di wèlgamentu. "Pero ta bon asina, nos ta sigui ku kara na laira. Nos a gana, esei ta motivá." Pa tene akshon tambe bo tin ku traha duru, e ta bisa. "No ta drumi nos tabata drumi".
Barata
"Hopi biaha no ta respetá trahadónan di limpiesa", segun Lijfrok. Esei tabata un punto importante durante e akshonnan. "Nos mester haña sufisiente tempu pa hasi nos trabou." E echo ku un trein no ta limpi ta pasombra no ta'tin masha tempu pa limpi'é. Hopi biaha e dunadó di trabao of esun ku ta duna e enkargo ke pa laga hasi e trabou ku menos gastu posibel, asina Kapi Lijfrok ta konta. E lucha ahinda no a yega na su fin.