Manual pa kresementu ekilibrá pa Kòrsou

Na òktober Kòrsou ta haña un manual pa kresementu eksitoso. “Nos no ke solamente un vishon, sino tambe e strategianan pa kresementu ku ta bini aseka – i no kualke kresementu, sino kresemento durabel”, promé minister Schotte a enfatisá djarason meinta 16 di mei. El a duna e señal pa start e inisiativa ‘Strategia Riba Termino Largu pa Desaroyo Ekonómiko Durabel (DEO) di Kòrsou’ den Marriott Hotel.
E manual di DEO mester kuadra ku kriterio internashonal. E tres asina yamá aspektonan PPP mester ta den balansa pa esaki: desaroyo sosial (People), medio ambiente (Planet) i progreso ekonómiko (Prosperity)
2025
Schotte ta mira e manera di DEO ku su eksigenshanan di PPP komo un elaborashon mas aleu di vishon di gobièrnu pa Kòrsou ku “na 2025 lo konosé un stándart di bida haltu ku lo stimulá siudadano pa sigui desaroya nan mes i nan pais. Esaki a base di maneho drechi, desaroyo sosial-ekonómiko durabel i enseñansa”.
Konkretamente gobièrnu ta dirigí su mes riba tres pilar: stándart di bida mas haltu, mihó kalidat di bida, mas koheshon sosial i maneho drechi. “Loke nos ta palabrá awe ta espesialmente , ma no solamente, stándart di bida i kalidat di bida”, Schotte ta haña.
Sambil
E mega shopping mall ku den dos aña mester bini na Veeris, ta ilustrá nesesidat di un kuadro di maneho PPP. E sentro komersial enorme aki di e grupo di Sambil di e venesolano Salomon Cohen Levy, den e tempu ku ta bini lo duna trabou na 2000 hende (People) pero mester edifik’é asina ku naturalesa (people) no ta sufri. Parse esaki ta na òrdu i asina ya kaba a kuminsa roza tera pasobra ‘a kumpli ku tur kondishon pa e pèrmit pa konstrukshon ku ta kasi kla’.
“Niun hende no ta duda ku e mega mall aki lo stimulá adelanto ekonómiko (Prosperity) pero nos mester di un kuadro di término largu pa por kompará proposishon den futuro ku esun aki”, Van Rijn a bisa. “I si algu no ta kuadra ku nos metanan durabel, nos ta tuma e desishon bon pensá pa bisa un invershonista asina ‘Nò, danki’.
Interkambio
Lunanan ku ta bini diferente sektor di komunidat kurasoleño mester papia ku e grupo di eksperto internashonal i lokal ku ta manehá e inisiativo di DEO. E meta ta un interkambio di idea tokante bon i mal ekperiensha ku maneho di PPP den areanan lokal, regional i internashonal. “Asina nos ta yega na senarionan basá riba echo”, eksperto hurídiko i institushonal David Luff a bisa. Thierry Apoteker Consultants (TAC), ku a gana e kontratashon públiko pa e proyekto PPP aki, a atra’é komo supervisor di proyekto.
Tur oradó, di sekretario general Stella van Rijn di Asuntunan General te ku oradó mayó profesor Charles Cambridge ta mustra ku ‘koperashon franko di tur partido relevante’ ta nesesario. Asina so, den e poko tempu ku tin disponibel, por traha un kuadro di maneho bon ku opshonnan alkansabel. Pesei ‘Desaroyo durabel ta un esfuerso komun’ ta e lema.