Kòrsou ta konmemorá víktimanan di Segundo Guera Mundial

WILLEMSTAD – Tradishonalmente djabièrnè 4 di mei a tuma lugá e konmemorashon anual di defuntu na e monumento na Waaigat i na e Santana militar.
Ku un seremonia modesto di konmemorashon, dos minüt di silensio i ponementu di krans e presentenan a konmemorá tur militar i siudadano di Reino hulandes ku for di dia ku Segundo Guera Mundial a kuminsá a fayesé pa motibu di guera òf teror.
Predikadó di Koninklijke Marine a kuminsá e seremonia ku un spich. Presente tabata representantenan militar di partinan di ehérsito, Vrijwilligerskorps Curaçao, Milisia di Kòrsou i e organisashon di scouting.
Despues di un minüt di silensio Gobernador di Kòrsou, promé minister i komandante di marina den área karibense a pone un krans na e monumento.
Na Aruba komandante di kazèrne di marinir na Savaneta na nòmber di ehérsito hulandes a pone un krans na e monumento pa e kaidonan.
Despues di e seremonia na Waaigat tabatin un seremonia di konmemorashon na Santana militar na Willemstad. Ei tambe e representantenan menshoná kaba i di Stichting Militair Erfgoed Curaçao a pone krans na e tumbanan di víktimanan di guera.