Staten ta skucha Green Town tokante alternativa pa Isla

WILLEMSTAD – A invitá Green Town Foundation dia 8 di mei den komishon fiho di Staten di Kòrsou. E organisashon a desaroyá un plan alternativo pa e área di refineria Isla na Schottegat.
Green Town ta di opinion ku un alternativa pa refineria despues ku e sera na 2019, banda di un medio ambiente mas limpi por generá mas oportunidat pa trabou tambe. E organisashon a kalkulá
ku nan plan por trese sigur 16 mil lugá di trabou i lo generá hopi mas entrada. Mas ku loke e refineria ta generá awor na Kòrsou.
Green Town ta aspirá pa laga e área usa fuente di energia durabel. ‘E siudat nobo ‘Green Town’mester duna mas prosperidat, ménos pobresa, un komunidat mas estrecho, mas envolví i un progreso enorme den smak di bida na Kòrsou’. Esaki ta pará riba e website di Green Town Foundation, www.greentowncuracao.com.
Den un próksimo fase gobernador di Kòrsou, konseho di minister i Staten lo haña un kopia di e rapòrt final di Green Town. Ainda e rapòrt no ta kla.