Fresku i Jandino ta bai kasa

Djadumingu 20 di mei tabata un dia speshal pa dos artista kurasoleño na Hulanda. Rèper Fresku a pidi su namorada pa kasa kune durante e releaseparty di 'Maskerade'. Komediante Jandino Asporaat tambe a pidi e mama di su yu pa kasa kune. Jandino a hasi esei durante un entrevista ku Tante Es den e programa di televishon Zo Raymann.

Rèper Fresku a presentá su disko djaduminguanochi 20 di mei durante un releaseparty bon bishitá. Tur su fènnan a reuní den De Effenaar na Eindhoven pa tene e hitnan nobo di nan artista preferí. Na final di e anochi e rèper a pidi su frei pa bin dilante i a pidi'é pa kasa kune pa medio di un rèp. Despues di a rèpper a baha na rudia i pidi Lieke su man. Tur emoshoná Lieke a bisa si. Por mira imágen di e suseso romántiko riba e fb di Fresku de echte. www.youtube.com/watch
Komediante ta hasi kos serio
Djadumingu 20 di mei tabata un dia speshal tambe pa komediante Jandino Asporaat. Despues di 16 aña el a tuma un kurashi i pidi su namorada pa kasa kune. Pero Jandino lo no tabata su mes si e no a hasi esaki na un manera chistoso. Tante Es a invitá e komediante pa pasa un ratu serka dje den e programa di televishon Zo Raymann, e programa di komediante Jörgen Raymann. zoraymann.ntr.nl/category/homepage/
Dado momentu Tante Es a puntra Asporaat ki dia e tin 'van plan' di kasa ku e mama di su yu. Na e momentu ei e komediante a bira wak den kamara, a trèk algun kara i a pidi man di Shirley. E dama enamorá a bisa si.
No ta konosí ahinda ki dia e artistanan kurasoleño lo kasa.