Marinir di Hulanda ta train na Kòrsou

WILLEMSTAD – E siman ku ta bini na Kòrsou lo tene dos ehersisio di e kompania di marinir for di Hulanda. E marinirnan ta haña training di tempu kalor i un asina yamá ‘combat trackers course’, pa sigui i interpretá índise.
E kompania ku ta konsistí di mas o ménos shen militar e tempu ku ta bini parsialmente lo hospedá den mondi. Por mira nan na diferente lokashon na Kòrsou: Koraal Tabak, Landhuis San Juan i Wakawa. Einan lo tira ku amunishon lòs tambe.
Regularmente ehersisio militar ta tuma lugá den Karibe. E klima i e flora i founa provokativo segun Marine ta un área di train ideal.