Anita nò, Willems sí pa EK

ZEIST (ANP/RNW) – Siem de Jong, Adam Maher, Vurnon Anita i Jeremain Lens no ta forma parti di e selekshon di EK di Bondscoach Bert van Marwijk. Esaki KNVB a laga sa djasabra. Ku esaki e selekshon di 27 fultbolista ku a train e siman aki na Lausanne, a bira un selekshon definitivo di 23. Van Marwijk a anunsiá kaba ku prome ku e interland di train ku Bulgaria, djasabra anochi e lo bisa ken el a skohe.
E anunsio ta bon notisia pa sènterhaf di 18 aña Jetro Willems. E hungadó, di desendensia antiano e temporada pasá a keda atraé pa PSV, pero pa motibu di leshon di Erik Pieters a hasi su debüt rapidamente. Riba Van Marwijk, ku tin e mesun problema riba lugá di leftback ku PSV, el a hasi bon impreshon.
“Mi a tuma tempu amplio pa papia ku esnan ku a kai afó i splika nan e pakiko”, Van Marwijk a bisa. “Despues di tur nan trabou nan tabatin derecho riba esaki. Nan por sali for di e kampo di training ku kara na laria.”