‘Plan di gobièrnu pa Isla ta inkreibel’
“E plan d enfoke di gobièrnu pa Isla ta asina deskuidá i mal fundá ku bo no por tum’é na serio.” Esaki ta konklushon di e grupo di akshon di medio ambiente SMOC.
Djarason 30 di mei a bira konosí ku gobièrnu di Kòrsou ke mantené refineria Isla i ke modernis’é despues di 2019. A kalkulá kostonan p’esaki riba 3 miar dòler i pa esaki mester buska un invershonista. Ku e desishon gabinete ta kita e opshonnan ‘sera’ òf ‘sera i konstruí otro kaminda’ fo’i mesa.
Sin progreso
E eskoho pa mantené i modernisá e refineria, gobièrnu ta basa riba un rapòrt di e ofisina di investigashon hulandes Ecorys. Segun e ofisina ei ku e invershon Isla lo keda kontribuí nuebe porshento di produkto nashonal bruto i lo pèrkurá pa 1500 lugá di empleo. “Ko’i kèns”, SMOC ta haña. “Ounke ku ta papia di un análisis sosial di kosto i probecho riba kua a basa e desishonnan ku a tuma awor, e análisis aki ta kompletamente ousente,”, segun e organisashon den un karta na media.
Asina SMOC tin pregunta seka e kalkulashon di entrada direkto pa e isla, komo ku esaki lo keda meskos despues di e ‘upgrade’. Segun kalkulashon di Servisio di Asuntunan Ekonómiko e suma ta 400 mion florin.
Falta sifra
Ademas SMOC ta kritiká e eskoho di gobièrnu pa ‘upgrade e refineria’. E organisashon ambiental ta puntra su mes pakiko un upgrade di 3 miar dòler sí ta rendabel, mientras ku gobièrnu no ta konsiderá 3.6 miar pa muda rendabel. “Ku eksepshon di e echo ku gobièrnu mes ta rekonosé ku den e plan mester tene kuenta ku margen di eror den kalkulashon di un invershon asina, niun kaminda mas nos no ta mira un sosten di sifra bèk. Mester tin un motibu èkstra pa no haña 20 porshento mas kosto rendabel pero upgrading sí.”
Upgrade ta mas karu
Segun rasonamentu di gobièrnu upgrade di e refineria ta rendabel pasobra ‘e ora ei lo usa gas komo kombustibel limpi pa e prosesonan di refineria i produkshon di koriente’. Segun gabinete kosto di gas ta hopi mas abou ku pa ‘heavy crude’ i asfalt ku ta usando aktualmente.
SMOC no ta di akuerdo. Segun e grupo ambiental ta nèt asfalt i heavy crude ta e kombustibelnan di mas barata ku tin i ta nèt uso di kombustibel limpi ta hasi un upgrade masha karu mes. Den un kaso di korte anterior Isla asta a trese dilanti ku uso di kombustibel limpi no ta alkansabel finansieramente i ku ta inalkansabel pa kambia e refineria p’esaki.
Konstrukshon otro kaminda no ta un opshon
Segun SMOC irónikamente gobièrnu ta skohe pa upgrade pasobra esaki ta rendabel ku kombustibel limpi i ta ta eksklui e posibilidat di konstruí otro kaminda a base di ehèmpel di e rapòrt di Ecorys. Ehèmpel ku mester a sera porta mes ora pa motibu di e kostonan haltu di kombustibel limpi.
-------------------------