Abeha ta molestiá turista

WESTPUNT – Djaweps atardi abeha a molestiá turista na Playa Fòrti na Kòrsou. No tabatin aksidente personal, pero pa siguransa un imker a destruí e nèshi ku tabata den baranka pegá ku playa.
Segun imkernan último tempu tin mas nèshi pasobra tur kaminda riba e isla ta limpiando mondi. Parse e shafùrnan di katapila ta kore hasi nan trabou bistí na paña protektivo di imker. Imker David Salas di Island Mature ta bisa ku no ta abeha so ta haña nan ta hui, sino skarpion i yuana tambe.
Ta mas fásil pa destrui nèshi den baranka pasobra na e lugánan ei ta difisil pa lokalisá e reina. E mihó método pa kita un nèshi ta pa kapturá e reina i pon’é den un kaha di abeha. Despues di 24 ora tur e abehanan trahadó tambe ta den e kaha.
E echo ku ta espesialmente turista tin molester di e abehanan, segun Salas ta pasobra abeha ta bira agresivo di holó. Por ehèmpel holó di pèrfumeof produkto kontra kimá di solo.