Polis ta gara banda di falsifikadó di dokumento di identidat

WILLEMSTAD – Polis di Kòrsou siman ku a kaba a gara un banda internashonal, ku tabata falsifiká dokumento di identidat. A arestá diessinku miembro di e banda: tres kurasoleño, seis dominikano i seis kolombiano.
E invashondi departamentu Kriminalidat Organisá a tuma lugá bou di maneho di Ministerio Públiko.
E banda tabata regla sédula , pèrmit di estadia i otro dokumento ofishal falsu segun pedido. Pa medio di e falsifikashonnan, strañero por a haña un sédula bálido na Kranshi.
Polis a konfiská diferente artefakto i dokumento. No ta ekskluí ku lo tin mas aresto.