Konseho di Minister di Reino a papia seriamente ku Kòrsou

DEN HAAG – Konseho di Minister di Reino ku palabra fuerte a pasa ‘algun punto di bista’ pa Kòrsou. Kiko a bisa, minister plenipotensiario Sheldry Osepa no ke bisa.
Na Radio Hoyer Osepa a bisa ku Hulanda den e reunion a laga sa bon kla ku nan ta pone sumamente hopi importansha na prestigio di Reino.
Probablemente Hulanda ta referí na e intervenshon di minister Wilsoe den e kaso di Robbie Dos Santos.” Aktuashon ku por influenshá prestigio di Reino, mester ehekutá kuidadosamente. Esei tabata e mensahe di Konseho di Minister”, segun Osepa.
Segun e minister plenipotensiario Korsou ta trata solamente a base di lei. “Pa Hulanda prinsipionan di lei tambe ta importante”, Osepa a bisa. “Esei por klèsh.”