750 mil euro pa konmemorashon di pasado di sklabitut

Amsterdam ta pone 750 mil euro disponibel pa konmemorashon amplio di pasado di sklabitut. Riba 1 di yüli 2013 ta 150 pasa ku a abolí sklabitut na Sürnam i Antia.
“Amsterdam ke un reflekshon amplio di Hulanda su pasado di sklabitut pasobra e siudat a hunga un papel importante den esaki”, wethouder Andrée van Es (GroenLinks) ta splika. “Ademas pa hopi hende di Amsterdam e pasado di sklabitut ta parti di nan historia personal.”
Programa
E plaka ta bai pa Stichting Herdenking Slavernijverleden (Fundashon Konmemorashon di Pasado di Sklabitut), ku na 2013 i 2014 lo organisá yen di aktividat.
E konmemorashon mes lo tuma lugá na Amsterdam pero pa motibu di presensha di Kas Real i wespet di Sürnam i Antia e lo haña un karakter nashonal. Rònt di e konmemorashon e fundashon ke koperá ku Sürnam i e islanan d Antia i desaroyá un presentashon di teatro, un eksposihon i un programa di enseñansa.
Pa realisá esaki e fundashon lo trata na otro manera tambe pa haña plaka.