Resúmen di korant hulandes di 28 di yüni

Potrètnan di treiner hefe di selekshon Oraño, Bert van Marwijk, ta bria riba portada di tur matutino. Ayera despues di 4 aña, Van Marwijk a partisipá su retiro. "Danki Bert", ta titular riba portada di Sp!ts. Awor e buskeda di un coach nobo por kuminsá, asina e matutino ta skibi. AD tambe ta públika e notisia riba su portada. Van Marwijk lo no ta'tin gana den un periodo nobo ku e tim, esta segun AD.
De Telegraaf ta komentá ku asina ta yega na final di un era. Despues di 3 aña èksitoso i un di kuater aña dramátiko, e treiner hefe a disidí di saka su mes konklushon i retirá. Trouw ta komentá ku kambionan den e ekipo a kue Van Marwijk fe base. 'No ta'tin otro salida', ta titular den e matutino.
Prohibishon di eksistensia di e asosiashon di pedofil Martijn ta un sopresa hurídiko. Asina por lesa den NRC.next. Korte Supremo no ta'tin èxito na 2009 tempu ku a purba prohibí un sekshon di Hells Angels. Te ku awor tabata asina ku mester tin 'aktividatnan struktural ku ta trese desbalanse den komunidat....' De Telegraaf ta teme ku awor e asosiashon di pedofil ta drenta inlegalidat. Prohibishon di e asosiashon no ta un protekshon real pa muchanan.
Parlamentu hulandes a hala promé minister Mark Rutte su atenshon riba e sistema ku el a aktua último tempu durante e debatenan riba Oropa. Sp!ts ta públika e notisia aki riba su portada. Un kombinashon pekuliar: D66, PVV, PvdA, SP i Groenlinks ta haña ku loke Rutte ta bisa na Hulanda no ta meskos ku e ta bisa na Bruselas. Ta pesei parlamentu ta urgi Rutte pa duna reakshonnan 'ku kontenido i ekstenso' riba proposishonnan di otro lidernan oropeo. Pero tambe pa komuniká un mensahe tokante kolaborashon di gabinete na Bruselas.
Tambe den Trouw atenshon pa were were den direktiva di bario Amsterdam Zuid-Oost. Ayera presidente Marcel La Rose a tuma su retiro, no e só, tambe su diputado Emile Jaensch i Urwin Vyent. Konseho di e bario a duna La Rose aviso pa bai papia ku un trahadó soshal, pero el a ninga. Aparentemente e persona lo a menas'é.
Nederlands Dagblad ta habri ku notisia di Siria. Segun e matutino e ala di violensha kontra kristiannan ta subiendo i ta hañado forma katastrófiko. Pa medio di sekuestro, violashon i menasa pa bandona nan kas, oposishon sirio ta purba na kore ku kristiannan.