DROV no ta kapabel pa trata konstrukshon ilegal

Planifikashon Urbano (antes DROV) no tin sufiiente moda pa kuementu ilegal di tereno i konstrukshon ilegal, esaki hefe di e servisio Lionel Jansen ta konfirmá.
”Nos ta hasi loke nos por pero nos posibilidatnan ta limitá. Nos ta usa un lei masha bieu ku sanshon moda bieu.” Den e trato aktual di DROV desaroyadó di proyekto di edifisio ilegal ta haña un paro di konstrukshon i un yamada pa bin buska un pèrmit di konstrukshon. Si no para konstrukshon DROV por duna un but di 300 florin i duna minister un konseho. E konseho aki por resultá den demolishon di e konstrukshon.
No por konstruí apartamento mas
Pero e prosedura aki ta dura muchu largu. Esaki tabata eksperiensha di un habitante di Seru Bottelier. Pa algun tempu kaba el a laga DROV sa ku tin doño dii tereno ku no ta tene nan mes na e spesifikashon arkitektóniko aprobá. Riba tereno kaminda no por traha edifisio haltu di repente ta lanta edifisio haltu di apartamento. E habitante a haña ku DROV no tabata tuma sufisiente akshon i a bai wes. Siman pasá esaki a disidi ku na e plan di parselashon di Seru Bottelier no por konstruí apartamento mas.
Modernisá
Pa evitá e situashonnan aki minister Charles Cooper di Desaroyo Espasial na mart di aña pasá kaba a anunsiá ku e lo ke duna DROV mas outoridat. DROV lo mester por aktua mes ora independientemente i asta demolí, sin ku nan mester presentá un konseho na minister promé. Pero ainda no a ehekutá e plan aki.
“Tin aña kaba ta papia pa modernisá e ordenansa di konstrukshon i kas den kua tin pará e kondishonnan general pa edifisio na Kòrsou. E idea di Cooper ta parti di esaki”, Anthony Godett, lider di FOL i èks diputado di Infrastruktura i Kas pa Pueblo ta konta. E proposishon nobo promé tabata na Konseho Insular i awor e ta den Parlamento. Pronto e mester resultá riba agènda einan pa asina porfin por modernisá.”
Masha falta di personal
Un otro problema segun Godett ta un falta di personal na DROV. “For di tempu ku no por a tuma mas personal na Drov, na 1999, e kantidat di trahadó den e servisio a baha drástikamente.Tur kos ta lora òf para ku kòntròl regular den tur bario pero ku un mínimo na personal esaki lastimamente ta imposibel. Asina kontrolá na Band’abou ta lanta un edifisio di apartamento ilegal na Band’ariba i vise vèrsa. Cooper mester hasi algu na e situashon aki.”
Minister Cooper no tabata alkansabel pa komentario awe.