Akshon mes ora kontra infestashon di insekto

Si no tuma akshon mes ora pronto lo no tin niun mata di Aloë Vera (sentebibu) òf otro agave mas na Kòrsou, asina biólogo Gerard van Buurt ta bisa. Djamars na Coral Estate a haña e Agave Weevil, un insekto ku ta kome tur agave rònt di dje djaden.
E insekto chikitu pretu ta bora buraku den un agave i pone webu aden. E larvanan ku nase den e agave ta kome nan kaminda pa sali bai pafo. “E konsekuenshanan ta masha serio”. Van Buurt ta splika. “Si e tòr plama riba Kòrsou den un par di luna masha hopi agave na Kòrsou lo muri. Mes kos a sosode na British Virgin Islands.
Pafo di nan ambiente natural
Agave Weevil ta un asina yamá ‘espesie invasivo’, un espesie ku originalmente no ta di Kòrsou i ku a establesé pafo di su ambiente natural. E insekto agresivo tabata den un agave importá na Coral Estate. “E agave ei a bini Kòrsou ku insekto ku tur i despues e bestia a bai brui den e kuranan den bisendario.
Spùit ku insektisida sistémiko
Si e Agave Weevil logra di hasi e ambiente kaminda e ta biba mas grandi, segun Van Buurt no por hasi nada mas kontra e plaga. Hende ku ta biba na Coral Estate i ku tin agave den nan kurá mester spùit e raisnan i blachinan mes ora ku insektisida sistémiko pa e larvanan eventual muri mes ora.
Agave ta un fuente di nutrishon importante pa raton djanochi i tambe blenchi i otro para ta dependé di e mata aki pa nan likido. Ademas na Kòrsou na gran eskala ta kultivá e agave Aloë Vera òf sentebibu, un agave ku tin benefisio pa salú, komo ingrediente pa crema kosmetiko, djèl, shampo i bibida.