Weganan Olímpiko a kaba pa yudoka De Windt

LONDEN – Weganan Olímpiko a kaba pa yudoka kurasoleño Reginald de Windt. El a pèrdè su promé partido den klase te 81 kilo.
Su oponente tabata e ruso Ivan Nifontov ku aktualmente ta number 13 riba lista di rango mundial i ku na 2009 tabata kampion mundial. De Windt a haña karchi hel tres be pasobra riba mat e tabata warda muchu. Enretantu Nivontov a gana bròns.
Reginald de Windt a kalifiká pa e Weganan na Londen na e torneo di yudo panamerikano na Montreal, Canada. E ta un di tres atleta kurasoleño ku na Weganan Olímpiko a sali bou di bandera olímpiko.