Marianne Vos ta partisipá na Amstel Curaçao Race

WILLEMSTAD - Kampion olímpiko Marianne Vos ta bini Kòrsou pa partisipá na Amstel Curaçao Race dia 3 di novèmber, asina organisadó Leo van Vliet ta bisa.
E siklista kumbre ta bini ku su kompañeronan di tim Annemiek van Vleuten, Loes Gunnewijk i Ellen van Dijk. Durante Amstel Curaçao Race nan lo lucha kontra e mihó profeshonalnan di mundu: Robert Gesink, Niki Tersptra, Thomas de Gendt i Lieuwe Westra.

Marianne de Vos ku djadumingu pasá a gana oro na Londen, ta e di dos kampion olímpiko ku lo start na Kòrsou. Leontien Zijlaard van Moorsel a kore Amstel Curaçao Race despues di su kareda di oro na weganan olímpiko na Atena na 2004.