Cooper: ‘Gabinete di transishon ta puñá pa demokrasia’

“Formashon di un gabinete di transishon pa PAR, PNP, FOL i Eugene Cleopa bon mirá ta un atento pa kita derechi di vota di pueblo di Kòrsou”, asina minister demishonario Charles Cooper (MAN) a deklará djabièrnè 3 di ougùstùs durante un konferensha di prensa tokante e anunsio di kaida di gabinete Schotte.
A tene e konferensha di prensa algun ora despues ku gabinete Schotte a entregá su retiro na gobernador. Durante e konferensha di prensa Schotte a enfatisá e derecho di gobièrnu pa usa artíkulo 53 di Staatsregeling pa pone elekshon nobo. Ku esaki redondamente e ta rechasá e invitashon di su kopartidario desertor Dean Rozier pa kuminsá un gabinete di transishon.
‘Nan mester sa mihó’
“Hende manera Emily de Jongh-Elhage, Humphrey Davelaar i Anthony Godett mester sa mihó ku, ku nan plannan pa un gabinete di transishon, nan ta ignorá demokrasia”, asina Cooper ta haña. “Nan ta ta na altura bon bon di artíkulo 53, e artíkulo den Staatsregeling ku ta duna nos e posibilidat di yama elekshon nobo i laga pueblo disidí ta kiko ta bai sosodé awor.”
Schotte tampoko no ta akster e plannan pa un gabinete di transishon. “Dia 19 di òktober lo bini elekshon normalmente”, asina el a bisa den e konferensha di prensa djabièrnè, “i mi no ta laga plan di dos indivíduo brua mi. Mester di un koalishon stabil ku ta representativo pa komunidat. No kalke grupo di ken ku ta, basá riba e situashon djawó. Pa mi un gabinete di transishon òf di eksperto no ta un opshon.”
Pugna pa puesto di minister
E prome reunion di Staten nobo di Kòrsou ta dia 2 di novèmber 2012. Te e tempu ei un gabinete demishonario lo keda na mando. Den e gabinete aki segun Schotte eventualmente por kambia algun puesto di minister, ounke ku, den su mes palabranan, ainda e no tabatin masha tempu pa pensa riba esaki. “E pregunta ta bini trempan. Ta posibel si, pero ainda mi no a tende di niun lider di partido ku nan ke un kambio. Manera kos ta pará awor gabinete lo keda demishonario den e struktura aktual.”
Elekshon ta disidí
Te awor a tene Pueblo Soberano pafó den tur plan pa forma un gabinete di transishon. Schotte no ta bisa ku despues di e posibel elekshon e ke sigui traha ku e partido. “Palabra ta na pueblo. Nos ta laga tur kos dependé di elekshon.”