‘Bon Informá’ tokante seis luna gobièrnu Schotte

Bon mirá den su promé seis lunanan Schotte te ainda a logra dos kos numa: un rebaho di tarifa di koriente di sinku sèn i un aparato gubernamental bon zetá. Asina personalidat di televishon Mavis Albertina ta bisa. Segun e no ta niun tiki sigur ainda ken ta bai paga e resibu ei i si e rebaho ta sigui di bèrdè mes. “I es ku papia ku ámtenar sa ku hopi ámtenar no ta kontentu ku nan posishon.”

Djabièrnè meinta Mavis Albertina tabata den e programa Bon Informá ku Aworaki ta transmiti tur siman i ku por skucha seka partner di media di Wereldomroep den Karibe.
Huntu ku Mavis e siman aki Chaco Castro tambe tabata wéspet. E periodista di hopi aña kaba, ku aktualmente ta traha na Radio Hoyer, no ta haña e falta di akshon di gabinete Schotte nada straño. Segun e, e gabinete no tin niun eksperiensha. “Schotte tin kurashi di bira promé minister na un edat asina hóben”, segun Castro.

Banda di akshon di gobièrnu di Kòrsou, e dos periodistanan den e forem – ku Favell Maduro ta presentá – a papia tokante di e asina yamá trato di “hands off” di gobièrnu hulandes den direkshon di e paisnan di Antia anterior.

I e kantidat haltu di aborto ta riba agènda. Na okashon di e promoshon di dòkter di kas Adriana Boersma tokante aborto i antikonsepshon na Kòrsou e periodistanan ta tuma posishon.