Bon informá tokante 'Trompgate'

Emsley Tromp mester traha lugá pa un representante ku ta simpatisá ku gobièrnu. Direktor di Banko Sentral di Kòrsou i di Sint Maarten ta e siguiente, pero sigur no e último ku tin hala un banda, segun Yves Cooper, reportero serka CBA (TV11): “Asta Ray Charles i Stevie Wonder a mira e kos ei ta bin!”

E anchorman di CBA-news ta konvensí ku e aktual gobièrnu no por konstruí un fundamento bou di pais nobo Kòrsou.

Su kolega di televishon Gonzalo Cuales ta mustra riba e echo ku e lista di minister di Gerrit Schotte ta kontené hopi nòmber ku no a skrin, ya ku nan lo no por resistí e prueba. Ambos periodista ta sumamente prekupá, 'pasó e gobièrnu akí porlopronto no tin idea di baha'.

Minoria étniko
E siman akí Konseho di Asesoramentu a desaprobá e proposishon di lei 80/20. Cuales ta kere ku esaki ta na su lugá pasobra Kòrsou no por kontestá e pregunta kua grupo di poblashon ta minoria étniko na e isla. E aktual gobièrnu ta duna preferensha na ‘Yu ‘i Kòrsou’, pero ken e ta presisamente ta algu no masha kla te dia djawe.